O presidente e a secretaria de Aspamadis reuníronse este luns, 10 de febreiro, con Patricia Torres e José María Lago, deputados provinciais responsables das áreas de Políticas Sociais e Medio Ambiente. Na xuntanza, Manuel Martín e Elena Rodríguez presentaron un resumo do traballo que levamos a cabo a través do noso centro especial de empleo, no que dez persoas con discapacidade intelectual están a desenvolver traballos medioambientais e de acondicionamento de zonas axardinadas.
No encontro analizáronse os programas de colaboración que se poden materializar coa Deputación provincial para a inclusión de persoas con discapacidade intelectual a través da súa inserción laboral. No nome das familias, o presidente Manuel Martín amosou o seu agradecemento a Patricia Torres e José María Lago e salientou a disposición atopada nos representantes do goberno provincial para acometer políticas inclusivas.
Dende a Adido e Aspamadis traballamos para ofrecer as personas con discapacidade intelectual a posibilidade de desenvolver un traballo remunerado, pois entendemos que a inclusión laboral é o mellor xeito de facer posible a inclusión. Aproveitamos a oportunidade para agradecer o esforzo da Deputación provincial de Ourense para facer realidade a inclusión, como por exemplo impulsando proxectos de baloncesto inclusivo para levar este deporte, en colaboración co Clube Ourense Baloncesto a colectivos sociais, centro penitenciario e centros de menores da provincia.
«A inclusión é posible pero precisa da implicación e dun traballo conxunto de institucions, empresas e particulares», remarcaou o presidente de Aspamadis.
